А.А.Тибилов ихьӡ зху Аахыҵ- Уаҧстәылатәи аҳәынҭқарратә университет аректор Вадим Тедеев иҟаиҵаз ааҧхьара инақәыршәан Аҧсны Аконституциатә ӡбарҭа ахантәаҩы Диана Ҧлиаҧҳа Аахыҵ-Уаҧстәыла дыҟоуп. Аусеицура иазку аиҧылара аҳәаақәа ирҭагӡаны ирылацәажәараны иҟоуп иаҳхысыз ашықәс азы аҩганк   ирыбжьарҵаз  аиқәышаҳаҭра иазку азҵаатәқәа.

Иазгәаҭатәуп, иаҳхысыз ашықәс азы Аҧсны Аконституциатә ӡбарҭеи А.А. Тибилов ихьӡ зху Аахыҵ-Уаҧстәылатәи аҳәынҭқарратә университети аусеицуразы аиқәышаҳаҭра шрыбжьарҵаз. Уи аҳәаақәа ирҭагӡаны иазгәаҭан аҩганк рыбжьара аҭҵаарадырреи аҧышәа аизырҳареи уҳәа реиҧш иҟоу ахырхарҭақәа рыла аусеицура.  Аҧснынтәи аделегациа далахәуп иара убас  Аҧсны Аҭҵаарадыррақәа Ракадемиа Аекономикеи азини Ринститут аиҳабы Фатима Камкьиа.

Аҧсны Аконституциатә ӡбарҭа ахантәаҩы Аахыҵ-Уаҧстәыла лыҟазаара иалагӡаны  иазгәаҭоуп даҽа уснагӡатәгьы. Иазгәаҭоуп Аахыҵ-Уаҧстәыла Иреиҳаӡоу аӡбарҭеи Аҧсны Аконституциатә ӡбарҭеи рыбжьара аусеицуразы аиқәышаҳаҭра абжьаҵара.