Нанҳәа 14, 1992 шықәсазы  иалагеит 413 мшы ицоз ақырҭуа – аҧсуа еибашьра.

Ари амш аҽны ҳтәыла ахьынӡа-наӡааӡо иргәаладыршәоит Аҧсны Аџьынџьтәылатә еибашьраан иҭахаз аибашьцәа.

Аҧсадгьыл Ахақәиҭра рхы ақәырҵеит хнызқьҩык рҟынӡа аҧсадгьыл ахьчаҩцәа, хәнызқьҩык ахәрақәа роуит, ҩышәҩык инарзынаҧшуа хабарда ибжьаӡит.

Агәаларшәаратә уснагӡатә хацыркын Аиааира аҳаҭгәын аҿаҧхьа ашәҭқәа рышьҭаҵарала. Уи рхы аладырхәит ҳтәыла анапхгара, Жәлар Реизара адепутатцәа, ауаажәларратә усзуҩцәа, аҳәынҭқарратә усбарҭақәа рхаҭарнакцәа, анацәа, ашколхәыҷқәа уҳәа.

Ари амш аҽны дыргәаладыршәеит ҳҳәынҭқарра Раҧхьатәи Ахада – Владислав Арӡынба.