Аԥсны Аконституциатә ӡбарҭа ахантәаҩы Диана Ԥлиаԥҳа лаҵарамза 19 инаркны 21-нӡа далахәуп Санкт-Петербург имҩаԥысуа XIII-тәи Жәларбжьаратәи азиндырратә форум. Сынтәа уи атема  “Азин: ҧхьаҟатәи аҧеиҧш азы – иҳаҩсыз аҭоурых алагала”.

Афорум еиҿкаауп Урыстәыла ахада иусҧҟа инақәыршәан Урыстәыла аҳәынҭқарра аиустициа аминистрреи Росконгресс Афонди раҧшьгарала.

Қәкы хадас иамоуп адунеи аҟны имҩаҧысуа аиҭакрақәа рылацәажәаразы алшарақәа раҧҵара, азиндырра шьаҭас измоу ауснагӡатәқәа реиҿкаара.

Афорум аусура аҳәаақәа ирҭагӡаны иазгәаҭоуп аиҿцәажәарақәа, алекциақәа, аиԥыларақәа, иара убас аԥышәа аимадара иазку ауснагӡатәқәа.

«Афорум аҟны ирылацәажәоит ҳаамҭазы актуалра злоу азҵаарақәа. Рҧышәа еимырдоит азанааҭдырыҩцәа, ирылацәажәоит еицырзеиҧшу ауснагӡатәқәа, иазҧхьагәарҭоит ҧхьаҟатәи русеицура иазку аусқәа, - ҳәа азгәалҭоит Аконституциатә ӡбарҭа ахантәаҩы Диана Ҧлиаҧҳа.