Лаҵарамза 15-16 рзы Новосибирск ақалақь аҿы имҩаԥысуеит Жәларбжьаратәи аҭҵаарадырра-практикатә конференциа. Уи далахәуп Аԥсны Аконституциатә ӡбарҭа ахантәаҩы Диана Ԥлиаԥҳа.

Аҭҵаарадырратә конференциа азкуп Ихьыҧшым Аҳәынҭқаррақәа Реидгылақәа рмилаҭтә напхгараҭара азинӡбара аилазаара аҭҵаара, иара убас рмилаҭтә ԥышәеи аҳәаанырцәтәи аҭҵаарадыррақәа хшыҩзышьҭра рыҭаны урҭ ҧхьаҟатәи рзинтә ҭҵаарақәа рырҿиареи.

Диана Ԥлиаԥҳа лажәахә «Аҧсны ауаажәларратә ҭакҧхықәраҟны Аконституциатә зиншьаҭа» аҟны иазгәалҭеит, Аԥсны Аҳәынҭқарра Аконституциатә ӡбарҭа атәыла аҿиара астратегиатә хырхарҭа шьақәзыргыло, азакәанԥҵара ус иацклаҧшуа, иара убас уи  ихадоу ақәкы шынанагӡо аконституциатә мазарақәа риқәырхареи рыхьчареи аҟны.

 Аҭҵаарадырратә уснагӡатә ахыркәшамҭаз иазгәаҭоуп Аԥсны Аконституциатә ӡбарҭеи Сибратәи ауниверситети рыбжьара аусеицуразы амеморандум анапаҵаҩра. Уи  иалнаршоит аҩганк рыбжьара  аҭҵаарадырреи аҧышәа аимадареи аҟны  русеицуразы алшарақәа раҧҵара.