Урыстәыла аҭҵаарадыррақәа Ракадемиа аҳәынҭқарреи азини Ринститут аҟны  имҩаҧысит иналукааша аҵарауаҩ, апрофессор С.С.Студенкин диижьҭеи 120 шықәса аҵра иазкыз аҭҵаарадырратә еилатәара. Аҭҵаарадырратә уснагӡатә ахь ааҧхьара лыман Аҧсны Аконституциатә ӡбарҭа ахантәаҩы Диана Ҧлиа.

Лара лықәгылараҟны дазааҭгылеит азиндырратә ҭҵаарадыррақәа рдоктор, апрофессор С.С.Студеникин илагала Урыстәыла административтәи аконституциатәи азин аҿиараҟны иҭынха, иара убас аҵарауаҩ иҭҵаарадырра ҳаамҭазтәи административтә усӡбараҟны  аҵакы.

Аҭҵаарадырратә еилатәара аҟны хықәкыла иазааҭгылеит аҵарауаҩ иҭҵаарадырратә мҩа, иалацәажәеит аурыс зиндырра аҿиараҟны уи илагала.