Нанҳәа 14, 1992 шықәсазы иалагеит 413 мшы ицоз ақырҭуа – аҧсуа еибашьра.
Аихамҩа ахьчара қәкыс иҟаҵаны, ақырҭуа ир бџьарла еиқәных Аҧсны иалалеит. Владислав Арӡынба ҧхьагылара ззиуаз аҧсуа жәлар аҧсадгьыл ахьчара иазгылеит. Урҭ ирывагылеит ҳтәыла аешьаратә ҳәынҭқаррақәа рхаҭарнакцәа. Хатәгәаҧхарала иааз аибашьцәа рымш Аҧсны иазгәарҭоит нанҳәа 15 рзы.
Аҧсадгьыл ахақәиҭра рхы ақәырҵеит хнызқьҩык рҟынӡа аҧсадгьыл ахьчаҩцәа, хәнызқьҩык ахәрақәа роуит, ҩышәҩык инарзынаҧшуа хабарда ибжьаӡит .
Цәыббра 30 1993 шықәсазы Аҧсны аӷа иҟынтәи ахы иақәиҭтәын.