Хоџьашвили Лиудмила Платон-иԥҳа диит 1957 шықәса, абҵара 6 рзы, Аԥснытәи АССР Гәдоуҭа араион Лыхны ақыҭан.

1986 шықәсазы Ашхабад ақалақь аҟны далгеит М. Горьки ихьӡ зху Туркмениатәи аҳәынҭқарратә университет аиуристтә факультет.

1973 шықәса жьҭаарамза инаркны 1980 шықәса лаҵарамзанӡа аус луан Ашхабадтәи аобласттә ӡбарҭаҟны аӡбаратә еилатәарақәа рмаӡаныҟәгаҩыс.

1980 шықәса лаҵара инаркны 1983 шықәса цәыббранӡа аус луан Туркменистан Иреиҳаӡоу аӡбарҭаҟны ашьауӷатә усқәа рзы аӡбаратә еилатәара амаӡаныҟәгаҩс.

1981 шықәса ажьырныҳәа инаркны 1987 шықәса хәажәкыранӡа аус луан Туркменистан аиустициа аминистрраҟны консультант еиҳабыс.

1987 шықәса инаркны 1995 шықәсанӡа аус луан Туркменистан Апролетартә ӡбарҭа жәлар рыӡбаҩыс.

Лаҵара 23, 1995 шықәсазы Аԥсны Аҳәынҭқарра Аиустициа аминистр ихаҭыԥуаҩыс дҟалоит (ақәҵ. № 158 23.05.1998 ш.).

Мшаԥы 7, 2005 шықәса инаркны Аԥсны Аҳәынҭқарра Ахада Иусԥҟала (АИ № 76 07.04.2005 ш.) дҟаҵоуп Аԥсны Аҳәынҭқарра аиустициа аминистрс (Ахада Иусԥҟа № 51 ала 26.02.2010 шықәсазы амаҵзура шьақәырӷәӷәоуп).

2005 шықәса инаркны иахьа уажәраанӡа аус луеит Аԥснытәи аҳәынҭқарратә университет аҟны, ААУ «Атәылауаҩратә зини апроцесси» ркафедра деиҳабуп, ддоцентуп.

Жьҭаара 3, 2006 шықәсазы Ахада Иусԥҟала (АИ-133 03.10.2006 ш.) иланашьоуп акласстә чын «Аиустициа аҳәынҭқарратә абжьгаҩ актәи акласс».

2011 шықәса инаркны 2016 шықәсанӡа – Аԥснытәи аҳәынҭқарратә университет «Атәылауаҩратә зини апроцесси» ркафедра аиҳабы.

Абҵара 22, 2016 шықәсазы (Аԥсны Аҳәынҭқарра Жәлар Реизара – Апарламент 22.11.2016 ш. азтәи Ақәҵара № 4276-с-V) Аԥсны Аҳәынҭқарра Аконституциатә ӡбарҭа аӡбаҩыс далхуп, илыхҵоуп иреиҳаӡоу аквалификациатә класс.

Аԥсны Аҳәынҭқарра Жәлар Реизара – Апарламент ақәҵара (№ 4511-с-VI 12.12.2017 ш.) инақәыршәаны Аԥсны Аҳәынҭқарра азакәанԥҵара аҿиараҿы ллагалазы иланашьоуп Аҳаҭыртә шәҟәы.

Дҭаацәароуп. Ҩыџьа ахшара дрануп.

Яндекс.Метрика

Login to your account

Username *
Password *
Remember Me
© 2018-2024 АԤСНЫ АҲӘЫНҬҚАРРА АКОНСТИТУЦИАТӘ ӠБАРА