Аконституциатә ӡбарҭа аилазаара лира амш лыдырныҳәалоит аӡбарҭа Ахантәаҩы Диана Ҧлиа.
Адныҳәаларатә шәҟәы аҟны иазгәаҭоуп :
« Ҳаҭыр зқәу, Диана Едуард-иҧҳа! Иаракуп шәзанааҭдырра аҩаӡара, ишәылоу аҟәыӷареи акыршықәсатәи шәҧышәеи ирылҵшәоуп аӡбарҭа аилазаара ҭакҧхықәра ҳаракыла изызнеиуа русура. Шәлагала дууп аконституциатә закәанҧҵара ашьақәырӷәӷәара аус аҟны.
Ишәылоу аҟәыӷареи, азанааҭ ахь ишәымоу агәцаракреи ҿырҧшыгоуп аколлектив зегьы рзы.
Шәира амш аҽны ишәзеиӷьаҳшьоит агәабзиара, агәамч, арҿиаратә гәацҧыҳәара. Шәааигәа иҟаз шәзықәқәыӷша, шәус аҟны ишәывагылаша ауаа.
Аҭакҧхықәра зцу шәус аҟны аманшәалара шәыцыз.
Ҳаҭырла, Аконституциатә ӡбарҭа аилазаара».