Ԥхынгәымза 23, 1992 шықәсазы иҟалеит аҭоурыхтә ҵакы змаз ахҭыс - Аԥсны Иреиҳаӡоу Асовет, Арӡынба Владислав ихантәаҩрала, ишьақәнарӷәӷәеитАҳәынҭкарратә бираҟи Аҳәынҭкарратә герби.
Ԥхынгәымза 23, 2007 шықәсазы Аҧсны Аҳәынҭқарра Жәлар Реизара-Апарламент иаднакылеит Аҧсны Аҳәынҭқарра Аҳәынҭкарратә бираҟ азы Аконституциатэ закәан, убри инамаданы аҳәынҭқарратә бираҟ Амш официалла иазгәарҭо ҳәынҭқарратә ныҳәоуп.
Аҧсны жәлар ирзеиӷьаҳшьоит агәабзиара ӷәӷәа, аҭынчра, аманшәалара, ихьыԥшым, иҭышәынтәалоу, ишәҭыкакаҷуа атәыла!